ನಗಬೇಡಾ ಗೆಳತಿ ನಗಬೇಡಾ
ಮೇಲೆ ಹುಸಿನಗೆ ಚೆಲ್ಲಿ
ಒಳಗೊಳಗೇ ಅಳುತಳುತಾ II ನಗಬೇಡ II
ತಿಳಿನೀರಾ ತಳದಲ್ಲಿ ರಾಶಿ ರಾಡಿ ಕೆಸರು
ಭೂತಾಯಾ ಗರ್ಭದಲಿ ಬೆಂಕಿ ಬಿಸಿಯುಸಿರು
ಆ ಮುಗಿಲಾ ನಗೆಯಲ್ಲೂ ಬರಿ ಗುಡುಗು ಬರಸಿಡಿಲು
ವ್ಯಥೆ ವಿಷಾದಭರಿತ ಗೆಳತಿ ನಿನ್ನೊಡಲೂ II ನಗಬೇಡ II
ಮರೆತುಬಿಡೂ ನಿನ್ನೆಗಳಾ
ಕಳೆದಾ ಅಮಾವಾಸ್ಯೆಗಳಾ
ನಿನ್ನಾ ಹೆಜ್ಜೆಗೆ ನಾನು ಹೆಜ್ಜೆಯಾಗೀ ಬರುವೆ
ಬಾಳ ಬೆಳಗುವ ಜ್ಯೋತಿಯಾಗಿ
ಕಣ್ಣಾ ತುಂಬಿದಾ ಕಾಂತಿಯಾಗಿ II ನಗಬೇಡ II
(ಆನಂದ್ - 1994)