ಬಾ ಕನಸಿನ ಲೋಕಕೆ...

ಬಾ ಗೆಳತಿ ನನ್ನ ಕನಸಿನ ಲೋಕಕೆ
ಬಲು ದೂರದಲಿರುವ ಸ್ನೇಹ ಜಗಕೆ

ಅಲ್ಲುಂಟು ನನ್ನ ಪ್ರೀತಿಯ ಸ್ವಪ್ನಸೌಧ

ಕಟ್ಟೋಣ ಅದರಲ್ಲಿ ಅಮರ ಪ್ರೇಮಸೌಧ

ವಿಹರಿಸೋಣ ಅದರಲ್ಲಿ ಸ್ವೇಚ್ಛೆಯಾಗಿ

ಮರೆತೆಲ್ಲ ನೋವ - ಮಧುರವಾಗಿ

ಅಲ್ಲಿಲ್ಲ ಈ ದೇಹ ಮೋಹದಾಟ

ಅಲ್ಲಿಲ್ಲ ಈ ಜನರ ಮೋಸದಾಟ

ಮಡಿಲಲ್ಲಿ ತಲೆಯಿಟ್ಟು ಆಡೋಣ ಆಟ

ಮರೆಯೋಣ ಎಲ್ಲ ನೋವು ತಾಕಲಾಟ

ನಾವು ತಿರುಗಿ ಇಲ್ಲಿಗೆ ಬರುವುದೇ ಬೇಡ

ಈ ಜನರ ಸಹವಾಸ ಬೇಡವೇ ಬೇಡ

ಚಿನ್ನಾ... ಕಾಮನಾಬಿಲ್ಲ ತಬ್ಬಿದಾ ಮೋಡ

ಕೈಬೀಸಿ ಎಮ್ಮ ಕರೆದಿಹುದು ನೋಡ

ಬಾ ಗೆಳತಿ ನಿನಗೀವೆ ಆಹ್ವಾನ

ನಿರೀಕ್ಷಿಸುತ್ತಾ ಆನಂದಲೋಕಕೆ ನಿನ್ನಾಗಮನ

ವಾಸ್ತವಕೆ ಬಳುದೂರದಲ್ಲಿದೆ ಆ ಭವನ

ಅಲ್ಲಿಂದ ಸಲ್ಲಿಸುವ ಈ ಜಗಕೆ ಕೊನೆ ನಮನ

(ಆನಂದ್ - 1988)