ಏಳು ಹೆಜ್ಜೆ

ಗೆಳತಿ,
ನನ್ನೊಡನೆ ನೀನಿಡುವ ಏಳುಹೆಜ್ಜೆ
ಬಾಳ ಏಳು ಬೀಳುಗಳ ಆಸರೆ...
ಪ್ರೀತಿ ತುಂಬಿದ, ನೀತಿ ತುಂಬಿದ
ಪವಿತ್ರ ಬೆಸುಗೆಯೆಡೆಗಿನ ಏಳು ಹೆಜ್ಜೆ...II

ಬೇವುಬೆಲ್ಲಗಳ ನೋವುನಲಿವುಗಳ
ಸಮನಾಗಿ ಸವಿಯಾಗಿ ಮೆಲ್ಲೋಣ ಬಾ
ಪ್ರೇಮದಪ್ಪುಗೆಯಲ್ಲಿ ಬೆಚ್ಚಗಿನ ಮುತ್ತಲ್ಲಿ
ಕರಗೋಣ, ಕನಸುಗಳ ಹೆಣೆಯೋಣ ಬಾ...II

ಹೊಸತು ನಾಳೆಯು ನಮಗೆ..
ಬರಲಿ ಬೆಂಕಿ ಬಿರುಗಾಳಿಯ ಚಂಡಮಾರುತ
ಸಾಗೋಣ ಎದುರಾಗಿ... ಗೆಲುವಿನೆಡೆಗೆ
ಸೋತರೂ ಜತೆಯಾಗಿ ಸಾವಿನೆಡೆಗೆ... II

(ಆನಂದ್ - 1995)